嘉利盈（8029）確係升到你唔信，昨日曾高見0.54元，最後收0.52元，再升14%。
隻股昨日發通告澄清一些報道，確認現時正洽商收購內地殯儀業務，但仍處初步階段，未有簽訂任何合約。
不過有股友同趙飛雲講，側聞單deal可能在月內搞掂，而且市場頗為睇好呢項收購，佢哋認為中國人口眾多，每人都要幫襯一次，生意不愁。
股友又話，保守估計呢行生意在內地每年營業額高達200億元人民幣，加上傳聞中所講的殯儀業務提供山地等一條龍服務，相對邊際利潤較高，因此捧場的芬佬不少，從近日交投的熱鬧場面可以得見。
趙飛雲對呢隻股認識唔算深，但今次翻兜成功，又見佢升勢咁勁，自然唔捨得沽住，繼續採放鳶策略，隨股價上升推高止賺位，現時止賺位暫定於0.49元。
恒指料見17800
港股昨日百毒不侵，恒指先低後高，收17512，直迫17539高位。今日若能以大陽燭破頂，升勢將加快，下一站料見17800。
短期而言，中資股較值得留意。美財長保爾森訪華傾人民幣滙價，估計不致空手而回，加上十一黃金周將至，中資股隨時會開車。
趙飛雲