香港治安每下愈況，又有賊佬打劫銀行？非也，實質係廣告促銷。
部落成員《廣告設計號AdGallery》張貼咗一張以賊佬光顧銀行分行為題材、實際係想推銷不透明絲襪的廣告照片（圖）。
照片中嘅賊佬因為以「NurDieStockings」不透明絲襪笠頭，視覺受到嚴重阻礙，仲誤以為個盆栽係護衞員或顧客，此時櫃位員工乘機打電話報警。
早前本欄曾經刊載過一篇網絡笑話，講到銀行雖然實行7天營業，但好多銀行服務都會喺星期日暫停，即使賊佬光顧都冇面畀，唔單止無人開夾萬、亦無經理當值來招呼賊佬。香港銀行現時7天也打開門做生意，難免惹來不法之徒垂涎，相信銀行界亦會十分贊成入口這款不透明絲襪。
報料電郵：[email protected]