官恩娜與楊崢昨日為Kipling新店擔任剪綵嘉賓及模特兒，日前曾憲梓次子曾智雄的太太登啓事指二人的婚姻因楊姓女藝人介入而破裂，令所有楊姓女藝人都受牽涉，問楊崢有否留意該新聞，她說：「之前已經有記者問過我，第一我唔識佢（曾智雄），而且係人哋嘅家事，況且我都唔係藝人，人哋問我回應係睇得起我，代表有人記得我，但我同件事無關。」
「叫官燕或官才」
官恩娜表示也有留意這件事，她笑說：「好彩唔係話姓官啫，因為呢行都冇乜人姓官，所以我都唔會行差踏錯。其實我都唔係咁鍾意自己個中文名，因為以前成日俾人叫觀音娜，好難聽，入行後有諗過改名，搵相士改，佢話一係叫官燕、官媚；男仔叫官才，咁呢幾個名我更加唔鍾意啦，所以最後都冇改。」她又表示沒有改名應該是明智的抉擇。
採訪、攝影：胡比
