一名僱主稱遭前僱員無理控告拖欠薪金，令其被官司纏身逾年，後因原告一直未有出庭，終獲法官撤銷索償，但隨即又收到法援署通知，指原告正申請法援進行上訴，令僱主再陷入訴訟恐慌中。有法律界人士指，通知書不一定代表控訴人獲批法援，市民毋須過早憂慮。
感到困擾及壓力
經營速遞公司的趙先生說：「舊年3月收到勞工處封信，話我拖欠一個舊夥計人工。點知我次次帶齊糧單、上班紀錄同銀行證明上庭，告我嗰個人都冇出現，最終法官都撤銷咗件案。」
糾纏逾年的官司並未就此落幕，趙先生說：「點知隔咗幾個月，又收到法援署封信，話呢個舊夥計申請緊法援上訴，但我想問清楚發生乜事，法援署又唔肯講，咁算點呀？封信令我好困擾同好大壓力，以為又畀人告！」
法援署函覆本報解釋，任何人也可申請法援，但必須通過「經濟」及「案情」審查，且按《法律援助條例》第15條，訴訟任何一方申請法援後，法援署也需盡快通知其他各方。而礙於《個人資料（私隱）條例》及《法律援助條例》第24條規限，未得法援申請人同意，不可向他人透露申請人資料及其申請詳情。
檔案編號：0801060
法律解碼：通知信不代表獲批法援
法律界人士黃國桐解釋：「喺公平嘅法律制度下，任何人都有權提出民事訴訟同申請法律援助。法援署出信，純粹係通知有人申請緊法援上訴，唔代表一定批，申請法援除咗睇資產審查外，仲要考慮案情係咪合理！所以唔使咁早驚住，等真係批咗法援，正式展開訴訟程序，就會知道乜事。如果覺得畀人唔合理咁告，咪請個資深大律師嚟打官司，等佢『輸鑊甘』，賠律師費隨時過千萬元。」