同事「洵魚」好鍾意學嘢，成日朝頭早去工聯會排隊，報名學整蛋糕，跳吓拉丁舞咁。佢有日同我講，去咗學剪髮：「因為我想幫吓人。」佢話，呢排輪到一啲長者換智能身份證，佢哋可能冇打理頭髮就換證：「我哋後生女，換證之前梗係去set頭、扮靚啦，但你有冇諗過，一啲年老體弱同殘障人士，佢哋想去飛個髮都唔係咁易呀。」
洵魚話，聖雅各福群會一班義工組成「到戶理髮服務」，上門幫有需要人士剪髮，扮靚靚：「其實老人家都一樣想靚㗎，我哋幫佢哋以最佳狀態去影一張滿意兼有尊嚴嘅身份證相。」各位blogger，如果你身邊有需要呢個服務嘅人，可以打去28313289問吓。唔知點解，我突然間好掛住年紀已經好大嘅媽媽。
逢周一至周四刊出