【本報訊】「OfcourseIamupset!（我當然感到不快），嗰日啱啱去完旅行，心情原本好愉快，點知一落機發生啲咁嘅事，嗰一刻，真係好驚訝！」以往因打贏官司被追訪的金牙大狀清洪，今次卻因涉及機場貴賓室襲擊案，以被捕人身份見報，令他感到不開心。
經貴賓室被空姐阻止
事緣今年7月26日早上9時，清洪獨自一人抵達機場，準備乘搭國泰航機赴美跟朋友會合。據清洪的友人透露，清洪當日持商務客位機票，因腳痛關係打算走捷徑，穿過「寰宇堂」頭等貴賓室前往商務機位候機室，但被一名國泰地勤人員阻止。清洪最後兜路沿正常通道往商務機位候機室等候上機。但原來在他登機後數小時，有地勤人員報警聲稱有人發脾氣與她發生身體碰撞，她跟着被推倒。
六星期後，當清洪於本月3日放完假從英國返港，到行李輸送帶拿取行李時，突有一名地勤人員由兩名軍裝警員陪同下趨前，向警員示意清洪就是目標疑人。警員以他涉及一宗襲擊案將他拘捕，並由警車載往機場警署錄取口供。對於當日經過，清洪拒絕透露，「我只可以講嗰一刻我係好驚訝，但我知道自己無事，我梗係唔想坐警車，但張櫈都幾舒服吖。」他苦笑說。
據他的朋友說，事件無疑令清洪帶來麻煩，連加拿大的朋友也因看到報道，致電問候他，由於電話太多，他惟有叫契仔周英傑做他的接線生幫他篩選來電。昨晨他到機場警署報到，由資深大律師駱應淦和兩名契仔陪同前往。
清洪下月中要再往警署報到，現准以五百元繼續擔保。