周三兩場日聯盃準決賽次回合，都向下盤埋手，取同樣是受讓平/半的千葉巿原及鹿島鹿角，再以2串1方式過關。
先說千葉巿原主場對川崎前鋒。衞冕冠軍的市原對上7仗錄得1勝1和5負，狀態似乎處於谷底，但首回合從前鋒打和2:2，手揸兩個作客入球，可以睇定才比賽；加上有在聯賽坐了兩場波監的後衞史杜恩諾夫復出，陣容完整，故今對有後衞谷口博之停賽缺陣的前鋒，預計可保不敗。今仗市原受讓平手/半球，穩執半個盤。
水手飄忽難脫「角」
至於水手戰鹿角一仗，前者眾主力如後衞中澤佑二、中場田中隼磨及前鋒久保龍彥等都可披甲，加上有後衞粟原勇藏刑滿復出，可以「夫添」出戰；但這班波水準飄忽，兼且論戰力始終稍遜於鹿角，要讓平/半實在捧唔過，一於取在首回合贏1:0的鹿角不敗而回，開下盤。
若兩回合總比數打和，先計算作客入球優惠，再和就加時30分鐘，當中不設黃金入球或銀球，若再和則互射12碼分勝負。
青蛙仔