邊個香港人未試過BBQ？燒雞翼、廚師腸、乜扒物扒大家梗試過，原來燒嘢食都可以好多新意！網友Freddiec問：「BBQ成日都燒啲普通嘢，有啲悶，大家BBQ試過燒乜嘢呀，俾（畀）啲意見啦！」其他網友嘅回應，大部份我都未試過，如billylau列咗一系列美食：「錫紙焗蒜蓉（茸）蝦、錫紙焗三文魚頭、金菇肥牛卷、煙肉三文魚卷、原隻燒雞、燒豬手（要先煮過）、燒羊架、燒燒肉。」嘩，呢啲應該係一碟碟餸嚟喎，估唔到可以自己燒。除咗食物，大家仲討論乜醬料最正，kym9202話：「燒鱔，搽日本鰻魚醬，好正……即係燒鰻魚……」試過嘅網友chuisui舉腳撐：「yummy。」睇嚟下次BBQ我都要試吓喇。
http://www.uwants.com/viewthread.php?tid=2673871&extra=page%3D2