好耐唔見嘅呂方前晚去咗電視城做新秀歌唱大賽評判，即場高歌娛賓。呂方年前簽咗陳家瑛做經理人，但雙方已經解咗約好耐。 前晚馮仁昭同呂方傾開，講到新動向，佢話：「我簽咗恒藝亞洲，出年二月尾三月頭左右舉行兩場演唱會，真係簽咗約，走唔甩㗎。」佢仲話稍後會推出新歌，但暫時唔會出新碟，呂方解釋：「係都出新歌加精選咋，因為大家鍾意聽舊歌多啲，咁先有feel。」