港股再大升149點，收17387，今次係第3次向17500的高位進發。雖然恒指已拋離3條短期平均線，但在未升穿17500阻力之前，仍只宜以上落市來看待。
噚日收到料，話短期會有一個大型集資行動，主角係一家地產公司，家吓市場資金充裕，相信唔會帶來太大影響。另一單就係年底前有一家中型的公司會私有化，主角係一間市值成200億嘅家族公司。
內地房產股全面上揚，威風八面，上周末推介的上海証大（755）就高收0.295元，大升13.4%。本欄一直睇好的越秀投資（123）同中新集團（563）都有強勢表現，龍頭股中國海外（688）升2.9%，收5.98元，在6元關口整固，伺機發力上衝。
四川成渝高速（107）本月初升上1.45元，創出97年上市以來的高位，係內地公路股最強一隻，近日在1.40元水平整固。成渝強勢，理由只有兩個，一係市賬率（P/B）低，二係PE低，兩者都比同類股吸引。
光睇P/B。06年（12月年結）中期結算時，成渝每股賬面資產淨值2.07元（人民幣．下同），P/B僅0.69倍，而其他公路股平均數為1.5倍。
P/B與PE俱吸引
再看PE，06年上半年，成渝營業額5.14億元，升12%，盈利1.7億元，升7%，每股盈利6.66仙，全年盈利估計3.05億元，每股盈利12仙（折合11.7港仙），預測PE11.9倍。內地主要公路股預測PE由14倍至19倍不等，成渝PE偏低。
中國加快開發大西北，成渝未來的發展亦有新亮點。大西北12個省區，人口3.7億人，佔中國總人口的29%，中國已在大西北大興土木，而今後5年，四川省將投資700億元加建高速公路，使全省高速公路達3160公里，交通運輸發達，四川GDP亦會維持高速增長，長遠對成渝非常有利。
郭兆誠