巴西不愧係足球王國，雖然「新世代球王」朗拿甸奴喺巴塞隆拿仲係弗到漏油，但係新星依然係一個接一個咁湧出嚟，點㩒都㩒唔住！最新出嚟嘅「球王」接班人，就係𠵱家打緊波圖嘅安達臣奧利華拉（簡稱安達臣）！
05年世少盃金球獎得主
喺youtube.com一套名為《Anderson》嘅短片中，就將呢位安達臣仲係效力緊巴甲甘美奧時嘅入球精華放咗上網，睇過之後，令人驚訝此子技術之純熟，係咪可以喺一個18歲嘅年輕人身上出現（當時他年僅16歲）呢？從全長2分50秒的片中所見，安達臣見人就過，每次推、扭、扣、插都如入無人之境，根本無守將可以從佢腳下搶走皮球。短片仲有安達臣着起巴西戰衣嘅精采片段，足證佢嘅腳法可以蜚聲「國際」！
但係，有一點佢同一般巴西人一樣嘅係，原來入咗波後都鍾意跳吓森巴舞慶祝；據知，呢名05年世少盃金球獎得主安達臣，雖然暫時喺葡超班霸波圖仲未坐穩正選，但有指波圖已經同巴塞有秘密協議，安達臣嘅一半擁有權屬於咗後者，未來可以隨時買斷，你都咪話巴塞冇先見之明？
咁睇過條片嘅網友又對安達臣有睇法呢？積奇話：「後腳插花真係冇野好講！」fruit_bed：「佢都幾被人睇好，有技術有速度有身位有頭腦，具備一級球星的潛質！」
hitrate：27,742次