車人合一：$799,000波子Cayman　解放$248,000鱷魚HERMES

坊間流傳一個手袋神話：$248,000嘅HERMES鱷魚皮手袋，女人們說穿甚麼可以襯得起？最近Porsche新出了部硬頂自動波跑車Cayman（意解：寬吻凱門鱷魚），揸波子Cayman攞鱷魚HERMES，邊個敢話唔襯？加上呢部Cayman操控容易，是PorscheTrackready跑車入門版，啱晒女人揸。車價$799,000，換少個袋都供得起。
記者：陸伊琳
攝影：何家亮
手袋提供：米蘭站(25040128)

女人心態車袋一樣要搶眼

好多女人心態都一樣，着衫不太講求甚麼名牌，最緊要係襯得靚、着得舒服，所以個衣櫃由20元背心至幾千元套Suit都有，但手袋就唔同，十分講究，一定要大牌子，因為好多人一眼就會向你個手袋打量，而且很易看出是Cheap嘢，或貴價貨，所以手袋同汽車都畫上一個等號。我們亦把這個理論套在車上，揀車一定要型，夠貴氣。「揸Porsche出街，收視率極高，人哋一定覺得我有品味。」人有你有，要再威啲，我哋搵咗個$248,000HERMES鱷魚皮手袋襯Cayman。

Cayman自動波女人Supercar

入門版Cayman2.7，雖然以Boxster為藍本，配容積較小的2.7公升水平對向6汽缸引擎，但加上Trackready（可以落場比賽）的設備和車架設計，性能不比CaymanS失色，最合有心初試SuperCar的車迷及女士們。相對CaymanS的3.4公升引擎，Cayman2.7的力量自然較小，但馬力都達245匹，當然比S版的295bhp容易掌握，就算引擎處於低轉環境，兩者的加速感分別不大，依然做到低轉有力、起步輕鬆的優點，女人都辣得起。Cayman2.7備有手動排擋（$762,000）及Tiptronic自動波選擇，怕麻煩的女人當然要畀多少少錢，選擇TiptornicS自動波喇！

1.自動波貴少少，但適合女士輕柔操控。

2.咪睇係桶椅，個腰位啱晒細粒女士㗎。

3.自動升降尾翼。

4.巨型前入風口同Boxster唔同。

5.車尾仲可畀男友打Golf之用，放晒球棍仲有好多位剩。

6.話明Trackready，唔少得雙出尾喉。

7.坐姿同中控台合女士手位。

8.一般行街用，呢台245匹引擎可以稱霸。　

月入$35,300公關經理自己買得起

我們粗略計算過，Cayman2.7Tiptronic版車價$799,000，上會一成首期$79,900，如果分5年供，5.5厘息，每月供$15,280.88。以最近勁Hit嘅公關經理行業嚟講，做少兩次Spa、換少個袋、食少啲燕窩，都可以供到架Cayman2.7。唔信？計畀你睇。
據政府統計處，現時一位公關經理的平均月薪是$35,300元，其實每月只需慳少少其他消費，就可供到一部最新Cayman。