有好多車迷同我一樣，除咗鍾意睇車之外，仲有時會走去睇吓啲外國汽車宣傳短片，當中有啲拍得好過癮，隨時令你捧腹大笑。好似網友slowtrain喺Metacafe貼嘅一條Mercedes-BenzG-Class嘅廣告片，初頭睇嗰陣我仲以為係嗰啲咩撞擊測試片段，因為見到有班工作人員，好聚精會神咁喺度做緊嘢度緊位，一聲令下就按下Fire掣令車子向前衝，但到達Target嗰陣部車無停低喎，反而繼續向前衝，穿過多幅牆同人哋嘅辦公室，然後再衝出實驗室，嚇到班工作人員目瞪口呆。
雖然呢個片段貼出咗都有一段時間，但仍有不少網友作出回應，其中網友ask回應話：「喺碰撞嗰陣，其實係咪已經有一個假人飛咗出車呢？」，而Maxtron更話：「呢個廣告應該已經俾人禁播咗，至少我一次都未睇過。」姑勿論呢個廣告有無真係俾人禁播，但勝在夠過癮，一睇無妨吖！
記者：鄭達基
www. http://www.metacafe.com/watch/28866/mercedes_benz_power/