繼年輕女藝人Ａ小姐被男友偷拍更衣片段外洩案後，昨日曾憲梓媳婦吳嘉寶刊登啟事，爆出女星介入豪門緋聞，娛樂圈尋人遊戲又再掀起，楊姓女藝人頓成傳媒追訪對象。網友紛紛希望查出誰是曾智雄的新寵。
楊采妮：食飯見過
昨日唯一出席公開活動的姓楊女藝人楊采妮受到大批傳媒追訪。她在記者多番追問下說，認識曾智明Ricky（即曾智雄弟），但相信與曾智雄只有一面之緣：「我以前男朋友（邱韶智）係Ricky嘅朋友，可能大家一齊食飯有見過吓。」曾智明其後接受電話訪問回應：「我哥哥係因為我嘅關係識得Charlie，但唔算熟絡。」
楊玉梅：你哋估錯
亞姐出身的楊玉梅亦成為記者追訪目標，她接受本報電話訪問說：「你哋估錯喇，姓楊嗰個唔係我，我冇睇過段報道，自己又冇做過……Ricky阿哥同佢太太就冇見過……人哋家事，又唔係親戚，唔好involve（介入）啦。」
楊恭如：應刊全名
曾和富商周正毅傳緋聞的楊恭如則說：「好搞笑，唔識佢（曾智雄），幾無辜㗎……登報紙（應該）登晒成個名，唔好要人估估吓，唔好殃及無辜。」
網友亦紛紛猜測楊姓女藝人是誰：楊恭如、楊采妮、楊千嬅、楊婉儀、楊思琦……幾乎所有楊姓女藝人名字都被提到，其中有被指為大熱人選的藝人被月旦一番：「雖然仲未知係邊個，但就肯定知道有好多人都好憎（楊姓女藝人）……」、「為咗佢唔要個老婆……值得咩？」有網友留言支持吳嘉寶的做法：「曾太好有型wo……」、「呢個新抱真係夠『拮屎』。」
本報記者