周中意甲開快車，巴勒莫開季兩戰兩勝，今次對住升班馬卡坦尼亞，可以預見莊家大幅調低佢嘅賠率；不過呢班波「搵食」風格不改，呢場贏唔到有咩出奇，巴勒莫可謂今周最「鬼」鬼盤。
連埋歐協盃作客贏韋斯咸，巴勒莫已經3連勝。講真，以巴勒莫呢支小島球隊，前線有比斯安奴、卡拉斯奧路同廸米捷利等名氣攻擊球員，真係幾「引飛」。開「咧」首場對住里賈納，馬會罕有地開個讓球盤讓一球畀你賭，結果巴勒莫可以領先3球下，僅勝4:3，買上盤眼白白走盤，場波係真係假，你自己判斷。
森多利亞主場未必好
巴勒莫今場對卡坦尼亞，球隊已經一個禮拜搏咗3場，有晒藉口贏唔到；卡坦尼亞話晒開季都未輸過，讓球主客和「客勝」可吼。
另一場森多利亞對烏甸尼斯，森多上場作客僅被國米迫和，今次回師主場一定可贏波，如果你咁諗就錯喇！森多利亞主場好鍾意狂攻對手，遇着識打反擊球隊就蝕底；烏甸仲有快馬廸拿達利，受讓半球不如要下盤。
聯賽盃賽事，英超球隊作客低組別球隊，賠率因為廣受注目，要被大幅調低，值博率欠奉。講真保頓同曼城喺英超表現已經唔好，冇決心開多條戰線，今次一於捧呢兩隊對家，博華素爾同車士打菲特不敗。
文：牽牛