M記今年流年不利，可能俾人話得多食物質素差、薯條畀得少，所以喺Forum有網友Post咗「買M記食物6個秘技」上網，內容大概係教大家點樣買到最新鮮同最多嘅食物，例如發現新地筒空心要換、要求可樂同冰分開杯放等等，若果遇上值班經理留難嘅話就要大佢一句︰「麥當勞宗旨是（係）唔是（係）100%令顧客滿意？」俾人插得多，今次個Post反而多咗網友撐M記喎。網友chwchan︰「客人係好禮貌既（嘅）就無問題，但啲人買個MEALSET（套餐）就要求咁多野（嘢），一來會阻住後面既（嘅）客人……平心而論M記服務都做得好好o架（㗎），有服務大使待客takeorder，飲品食品唔小心整掉又可以比（畀）過你……」McDfrank都話︰「人地（哋）都是打工，何必拿人來出氣？」ken_hing︰「好心唔好咁cheap啦，十幾廿蚊都咁斤斤計較？」balllover︰「多餘！買麥記買得咁小家，人客（要）100%滿意唔代表可以無理要求。」講得啱，今次我都撐M記呀。
網址： http://www.uwants.com/viewthread.php?tid=2335953&extra=page%3D10