買二手樓最怕買到化妝盤，即係表面就裝修得鬼火咁靚，內裏原來係千瘡百孔嘅單位。網友kyliema，最近就以「過來人」身份，在《親子王國》中，提醒網友︰買舊樓遇着靚裝修要小心﹗
kyliema︰「話說小女子畀agent帶去參觀一個已over20年的市區居屋屋苑，雖然外面較舊，但agent話業主用了好多錢全屋裝修，所以去看，當時一入去見到啲裝修好靚，仲包全屋家電，雖然銀行估唔到價，相距10萬，但諗住一入去可以住唔使煩，便買了。點知唔夠半年，下雨時屋滲水，跟住天花又滲水，地板又裂，問題多多，令我好煩好煩，結果我早陣子平手放了。」
原來中過招嘅亦唔單止kyliema一人，suetfong也感同身受︰「我以前都有你的類似情況，好在賣了，所以我都怕買舊樓，而幫我之前的裝修師傅話舊居屋的質素係較差，他話長沙×有個叫怡×苑的居屋滲水最嚴重。」
網友Dante就話︰「其實新樓都會有類似情況！最好都係買原裝比較好，有得跟！」
記者就認為，買樓係人生大事，而驗樓又係一項專門學問，最好都係聘請專業人士代勞，例如搵測量師代勞，以策萬全。
報料電郵：business@appledaily.com