由佘詩曼同馬德鐘主演嘅無綫劇集《鳳凰四重奏》（圖），係講述四個唔同年代嘅愛情故事，估唔到收視都幾好，上個禮拜平均收視率保持34點（約219萬人次收看），同無綫高收視節目《美女廚房》睇齊。另外，影視處就前晚（周日）播映嗰集泰國版《美女廚房》收到三宗投訴，主要係話節目冇家長指引同女藝員太暴露，令節目嘅投訴數字累積到67宗。