周中連場英格蘭聯盃賽戲碼，正是適合「博大堆」場合，支持上文華度兄所言，博米杜士堡主場大勝晉級，捧主隊開「主其他」。
米杜士堡攻力基本上都唔錯，耶高保搭維度卡，不過後防唔多穩，活基治連打兩場好波，今次有機會變番做「計時炸彈」；而且米堡上季喺盃賽已有「大手交易癮」，喺足總盃贏過查爾頓4:2；喺歐協盃又贏過布加勒斯特星隊4:2，對手諾士郡近4場有3次失兩球以上，絕對可以博吓17倍嘅「主其他」波膽可博。
吼雷丁炒五個一皮
雷丁升上英超，都算打得有板有眼，佢哋呢種體力型強攻打法，上季可以喺英冠呼風喚雨，對住更低級數嘅乙組仔達寧頓，大炒冇難度；上季雷丁喺英冠有兩次炒人五個一皮紀錄，5:1有30倍，點可以唔串。
最後串埋意甲聯賽AC米蘭主場淨勝阿斯科利兩粒，AC負分出賽，冇咩失分空間，兩連勝對晒辦；今次主場更加唔留手，而且AC後防信心亦回升，阿斯科利冇權入波，AC米蘭上下半場各入一球，啱數。
文：牽牛