深圳控股噚日開中期業績會，盤數唔算好好，新任嘅首席執行官張化橋好腳頭，佢今年4月份由瑞銀過檔後，深控嘅市值喺短短5個月之內就翻咗一番。
深控主席胡愛民就話，張化橋加盟雖然唔係好耐，但係全情投入，公司業務營運改善咗，市場形象又好咗好多，仲讚張生係公司嘅一塊「短板」，集團上下都好滿意佢嘅表現。
不過，行家聽起都一頭霧水，上網查番，先知「短板」係內地好潮嘅用語，源自經濟學上嘅《木桶理論》，意思係一個岩岩蠶蠶嘅木桶，最短嘅木板對最長嘅木板，起着限制同埋制約嘅作用，亦從而影響整個系統嘅戰鬥力，最終加強整體嘅實力。用喺管理學上，即係話張生就好似「短板」咁，對深控有重大嘅管治影響，令公司愈做愈大呢。