拍拖去街一定要男仔畀晒錢？網友Mr.box昨日在香港討論區表示：「同女友拍拖年半了，我在職，佢原本係學生，呢年半出街的使費絕大多數係我出的，但幾個月前佢畢業，搵到工了，我想佢分擔吓……應該用咩形式講好呀？」
Mr.box的留言隨即引起網友熱烈討論，正反雙方各持己見。網友王翁性：「你都唔係男人，又要媾女又計數；我覺得你女友好慘。」napolia：「男人無能力就唔好拍拖!!𠵱家食吓飯都畀唔起……第日點養個老婆呀?!!有個仔咪仲死？~~唔通要個老婆大住個肚同你捱啦喎~抬起頭啦~」
不過，多數網友反對拍拖男仔「畀晒錢」。love_ant說：「樓主，唔使理佢，呢個女仔（napolia）太自私！仲話你無能！」worry123：「再唔係……每個月一齊儲筆錢……用嚟一齊去街食飯拍拖lor~」。