楊千嬅前晚於中環一間咖啡店拍攝《大傻》MV，邀請了鄭嘉穎擔任男主角，今次已是他們第二度合作。千嬅表示他日鄭嘉穎拍MV時需要女主角，她一定會主動幫忙，她說：「上次拍《小城大事》MV，嘉穎已經幫過我，而且成績好好，所以今次再搵番佢。第日佢要我做MV女主角我一定冇問題，如果有親熱場面都冇所謂，做演員唔會理會呢啲。」
險燒廚房
千嬅更透露導演要求她與嘉穎一同裝飾蛋糕，不過她竟將蛋糕弄碎，她笑言：「導演叫我哋整啲cream喺個蛋糕上面，點知我就整爛埋個蛋糕，我以前上家政堂都差啲火燒廚房。」問到千嬅會否希望將來的男朋友親手焗蛋糕送給她，她說：「男仔識煮嘢食已經係good啦，如果我生日佢重整埋蛋糕畀我，咁就真係開心到不得了。」
採訪：李珮洳
攝影：仇志德