廖碧兒前晚以嘉賓身份出席珍珠首飾活動，穿吊帶裙的她試戴了全場最貴、達180萬元的珍珠鑽石首飾。問她會否收男友送的貴重禮物，她揚言物輕反而情義重，所以寧願收一些有心思自製的禮物，不過她指若求婚就一定要有屋，因為要照顧她的愛犬。
廖碧兒前晚以嘉賓身份率領名模陳嘉容、AmandaStrang和Mikki等，為日本珍珠品牌Mikimoto於中環國金軒示範最新的Milano系列，她佩戴全場最貴、價值達180萬元的珍珠鑽石首飾示人。
談到珍珠首飾，廖碧兒說：「之前台慶都試過戴咁貴嘅首飾，今日戴成百幾萬首飾，即刻有咁多男士保護我，感覺好特別。以前我去澳洲都特登買過一條五位數字嘅珍珠頸鏈。」
物輕情義重
問廖碧兒會否收男友送的珍珠鑽飾，她即笑說：「我都冇男友，冇收過咁貴嘅鏈。我唔需要追求我嘅人送咁名貴嘅禮物，反而會注重心意多啲，好似我puppylove嗰時就收過一個男仔親手做嘅刺繡。」
那麼求婚時是否不用送戒指？廖碧兒說：「若然將來求婚，就要有間屋，因為我有兩個小朋友，即係一對小狗要有屋住。我希望男朋友可以教到我中文，因為我啲中文依然冇乜進步。」問她緋聞男友陳豪是否符合這些條件，她說：「唔知，不過我希望可以搵錢買樓畀自己。」
採訪：GeneNg
攝影：ChenWaiOn
