兩個大股東誠哥同旋旋早前被影到拍拖更去意大利嘅TOM集團，近排似乎喜事重重，雖然啲股價麻麻，但是喺有「年報奧斯卡」之稱嘅ARC國際大獎比賽就十分威水。
佢哋除咗早前獲頒傳媒企業組「年報整體表現金獎」及「年報內頁設計金獎」外，喺9月14日紐約舉行嘅ARC國際大獎頒獎典禮上再下一城，喺所有金獎得主競逐30餘個06最佳年報大獎中，TOM集團再榮獲「2006年香港最佳年報」大獎。
同佢一樣，股價一直上唔到嘅中電信，亦獲頒發「國際電信公司組別」的年報內文設計銀獎，是少數中國企業能獲得國際ARC獎項，亦是唯一一家國內電信企業能獲得獎項。
ARC國際大獎是目前全球最大規模和最重要的年報比賽活動，旨在表揚製作出色的年報。今屆就有逾1900本參賽作品，來自逾800間不同的企業或機構，於12個主要組別中競逐，當中只有6%的作品獲頒金獎。