車人合一：11座改5座油渣版　尾廂開枱耍樂湊放學

「自摸。」
「咪住，阿仔阿女放學，喂，車埋我哋返屋企，Stavic用平治油渣偈，$0.7/km，九龍城去荃灣約20km，開埋冷氣都係$14，抵過搭車。」
「又自摸。」
「吓……唔打喇，執嘢。」
記者：陸伊琳
攝影：陳陶鈞

不可思議的雙龍Stavic，竟造出用油渣，還有Euro4級數的廢氣排放，尾廂大得可以開一枱麻雀，這部韓國雙龍的Stavic多用途柴油車，每公里油費約$0.7。隔籬屋的劉太最近亦買了一部，最初她向我形容是一部女人版貨Van。哼，真定假？出車當日，她急不及待邀請幾位太太一齊去接放學順便試車，還趁機打幾圈麻雀，一邊耍樂，一邊等放學，咁誇？一見雙龍Stavic真身，原來它一點也不像貨Van款，直望有點像SUV。由於它是由11座改成5座位，所以尾廂之大，足足可以開枱麻雀。

竟用平治2.7公升柴油Turbo

用貨Van接放學好像有點娘，既然劉太盛意拳拳我也不好意思推卻，甚麼Van仔來的，Stavic外貌一點也不像貨Van。劉太載我們兜了幾個圈，好有力喔。原來這車採用了與平治Vito相同的2.7公升柴油Turbo引擎，符合最新Euro4廢氣排放標準，馬力亦達165匹。此外，更配有平治新款5前速自動波箱，幾型仔，推翻未見它之前的嫌棄之心。

■劉太買了部Stavic，興高采烈邀請我們幾位去試車。

罕有尾廂冷氣

愛麻雀耍樂的劉太還打趣說，不如打番幾圈，一邊玩一邊等放學，還以為她講笑，打開尾廂，赫然見到有麻雀枱、麻雀……原來她全天候準備就緒，她表示假日甚至會開車到郊區，一邊BBQ，一邊欣賞大自然風光，一邊打麻雀。我不愛打麻雀，要是我買了這部車，我多會用來接載我一家的狗狗，當作寵物車，事關它尾廂有冷氣風口，有大大空間提供狗狗活動之餘，又不會熱親牠們。