位於渣甸山祈禮士道2號嘅翠亨村茶寮突然結業。呢個茶寮其實可以話得係「高官飯堂」，唔少住喺渣甸山嘅高官，都好鍾意去飲茶食飯。
八方聽聞，前特首夫人董趙洪娉都經常嚟捧場，最鍾意約埋三五知己，打番幾圈衞生麻將。就算係前政務司司長陳方安生，都曾經係茶寮嘅坐上客。而現任政務司司長許仕仁仲更加係熟客仔，經常同成班資深嘅高官，嚟茶寮歎茶食飯。
據八方所知，翠亨村茶寮由美麗華集團喺渣甸山經營咗十幾年，最近租約期滿同大業主傾唔掂數，結果喺上個月31日結業。渣甸山居民協會最近召開特別董事大會，為這個達官貴人嘅「名人飯堂」通過成立「擴展小組」，希望帶來令人振奮嘅未來計劃咁話。