我想有揸開電單車嘅朋友，先Click入下面呢個網址，睇吓呢段片先，然後再睇我要講嘅嘢。
好，我諗大家都睇完呢段由網友Pucktoamo放喺Youtube叫《CrashTestDummy》嘅短片，唔知有啲咩感覺呢？如果你話好驚的話，都總算係個人。雖然呢段片中揸電單車同其他車輛相撞嘅，只係用作撞擊測試嘅假人，但過程真係觸目驚心，其中頭2位更喺意外發生後直插入另一部車嘅車廂，真恐怖。喺眾多回覆中，網友calvinyuen115曾經講過：「如果呢啲假人換咗係真人的話，可想而知會係幾可怕。」另一位叫CoolioMasta嘅網友就話：「因為佢哋代我哋做撞擊測試，如果唔係我哋又點可以繼續生存落去。」在此，我好想奉勸嗰啲鍾意揸電單車嘅朋友，喺路上行車真係要萬事小心，千祈唔好喺路上「左攝右攝」，咁做唔單止危害自己安全，亦都影響到其他道路使用者安全，萬事要小心為上喔！記者：鄭達基
網址： http://www.youtube.com/watch?v=J34itw1X3BA