荷李活巨星湯告魯斯（TomCruise）早前被電影公司派拉蒙怒炒一事，據知原來另有文章，消息指派拉蒙總裁BradGrey當時考慮應否跟靚佬湯續約期間，在公司停車場遭10多名自稱是科學教派的人恐嚇，結果BradGrey向母公司維亞康母（ViacomInc.）總裁雷石東（SumnerRedstone）告御狀，令靚佬湯即時接大信封。
陪姬蒂看足球賽
過去14年來合作無間的靚佬湯及派拉蒙，上月傾談續約事宜時出現分歧，派拉蒙有見靚佬湯人氣大減，即時壓價，但靚佬湯不肯就範。據電子雜誌《Radar》前日出版的一段報道指，原來當時主力為靚佬湯一事談判的派拉蒙總裁BradGrey曾遭人恐嚇。
據稱，BradGrey某日深夜放工到停車場取車時，遭至少12名自稱是科學教派的教徒埋伏，他們更表明來意，叮囑他不要在靚佬湯的談判上耍花樣，否則後果自負云云。
當時雙方曾一度大吵大鬧，不過該10多名科學教教徒最終還是讓BradGrey安然離去。BradGrey懷疑此事有人在幕後指使，決定向雷石東告狀，要求與靚佬湯斷絕賓主關係。
另外，靚佬湯繼續與未婚妻姬蒂荷姆絲（KatieHolmes）上演恩愛騷，兩人前日再到養女Isabella的學校觀看球賽，不過姬蒂全程木無表情，心情欠佳。