夏季轉會市場剛剛關閉，球員今季喺轉會市場異常熱鬧，一大堆頂級球員換咗球隊，有啲轉會唔單止令人議論紛紛，更加令人諗起球員對球隊忠誠問題。以我愚見，球員轉會原因，大概可分為4類。
1.在歐洲5大聯賽以外踢波嘅球員，佢哋都有一個共同夢想，就係能夠效力歐洲頂級聯賽球會，因為可以過更好生活，亦有更多機會代表國家隊出賽。
2.當球會換咗主席或教練，有少數球員可能同新管理層關係唔好，因而被球會放棄或者賣走。
3.喺小球會稍有天份嘅，都會被歐洲富豪球隊開出天價收購，你話小球會又點敵得過金錢誘惑？
4.球星喺大球會效力獲獎無數，被另外球會高薪利誘下過檔。
從中作梗施離間計
其實，各位有冇諗過轉會市場中，最大得益者係邊個？就係球員經理人。佢哋為咗轉會費嘅佣金，不惜離間球員與球會之間關係，真過份！世上有幾多個經理人真係為球員呢？一句講晒，有錢使得鬼推磨，冇錢，睬你都儍呀！
TOBY梁靖琪
走出女生宿舍依舊人氣高企，不惜捱更抵夜睇波。