韓劇《宮》嘅監製黃仁雷前晚爆響口講咗下月開拍嘅續集劇情，不過男女主角尹恩惠同朱智勛都唔會再出現，令哈利仔同所有《宮》fans大失所望。今次內容係講一個有皇族血統嘅落難皇太子走入宮後發生嘅趣事，當中包括佢同平民女子嘅愛情。fans知道後梗係嬲啦，因為監製當初話會原班人馬演出，但𠵱家只得太皇太后等老演員，佢哋仲話發起罷睇續集行動㖭。