工聯會嫻姐噚日下晝出席一個「義放色彩傷健共融計劃」，鼓勵傷健一心。八方見到嫻姐可能因為近排為廣大勞工頻頻奔波，所以間中都忍唔住「放蚊」，不過當見到班唐氏綜合症學生耍太極時，佢就精神晒；之後另一班學生夾band，唔知幾咁投入。相反，另一嘉賓民建聯嘅陳鑑林就精神唔錯但唔集中，仲喺啲學生耍完太極後提早鬆人，唔知係咪仲諗緊民建聯前排上京嘅事。
嫻姐之後就去咗另一個為基層小販爭取權益嘅活動。佢話工聯會幾十年嚟都係企喺勞工呢面，同民建聯嘅政治理念係相同，但係民生路線就有唔同嘅地方，八方恍然大悟，唔怪得嫻姐同陳鑑林今次嘅表現會南轅北轍成咁啦。