「多行一步──賽馬會社會融和運動」噚日閉幕，有成2,000人喺灣仔修頓室內運動場館盡興，其中包括嘉賓政府官員林鄭月娥同鄧國威，另外主要贊助馬會慈善基金嘅慈善事務執行總監饒恩培亦有到場。
「多行一步」係由11間社會服務機構喺04年發起，鼓勵市民多關心其他人，口號係「多行一步繫你我，延續融和靠大家」，目的為營造一個互愛和諧嘅社會，而截至8月15日為止，呢個活動喺全港成立咗超過2,000隊、超過20,000人承諾多做好事嘅「380步隊」，做咗接近55萬件好事，真係一項創舉！八方覺得香港地實在太功利，希望呢啲咁有意義嘅義工活動可以繼續落去，咁就真係功德無量嘞。