平嘢都有人間美味

$10碗雲吞麵可以係一餐，鮑參翅肚貴夾唔飽都可以係一餐，不過問題嚟嘞，貴係咪就一定好味？好難得網友咁有深度曉Post呢個問題上網，MOUSE168自問自答：「貴嘢係咪一定好食？小弟就覺得未必，有時覺得街邊魚翅仲好食過酒樓嗰啲！」揚媽回應：「多數貴嘢食物都係好好味㗎！」wy020305都係咁諗，仲解釋：「如果貴嘅又唔好食仲點會生存到，生存到嘅當然有番咁上下質素。」s021207就持相反意見：「街邊啲魚旦（蛋）都平啦，咪又係咁好吃！」舉腳贊成，豆腐、雞蛋仔呢啲平價小食從來都係我至愛，貴定平無所謂，總之好味咪得囉。