有法律界人士表示，被鄰居用強光騷擾，若對方不帶有任何恐嚇動作或語句，雖不構成刑事罪行，但有關行為已侵犯別人安寧地生活的自由，可循民事途徑索償，「（事主）首先要去申請禁制令止咗血先，禁止佢繼續騷擾你，如果佢違反禁制令，就係蔑視法庭，咁先可以拉佢坐監，之後你有咩心理或精神損失，都可以循民事索償。」
可令視網膜受損
眼科專科醫生周伯展則指，高能量光源對人眼睛造成傷害的程度，視乎光的波長、能量和時間三個因素；紅外線如近距離及長時間直接照射眼睛，會令視網膜受損，嚴重可致失明，「如果啲光源喺隔咗成條街嘅話，對眼睛應該唔會造成結構性傷害，雙眼遇光後會出現短暫黑影，幾秒後自然消失。經常被人用呢啲光照射，雖然對損害眼睛嘅機會唔大，都算係滋擾！」
香港心理治療師協會顧問臨床心理學家羅志華博士稱，這些人通常想引人注意：「佢不斷騷擾人，搞到人哋嬲，咁就有快感」。至於如何停止這些行為，犯罪學家黎定基說，「你愈理佢，佢就愈開心，你鬧佢會激發佢嘅報復心理，做出破壞性的行為」。他認為事主可通知騷擾者家人，帶他見心理學家。