混血名模AmandaStrang同男友、陳淑蘭前晚現身中環IFC出席西班牙皮具品牌Loewe活動，樂基兒則負責行騷。
問到日前香港發生地震，AmandaStrang就話未有感受得到，佢話：「我媽咪嘅屋企人係台灣，之前我喺台灣住喺婆婆屋企時，遇正台北大地震，屋企門口仲出現大裂痕。」
陳淑蘭改名
此外，陳淑蘭話日前經高人指點，正式改名叫陳道然，佢話：「因為我現在從商，跟榮智健嘅堂妹做鐘錶生意代理，改名係為咗事業好啲，之前個名係有利嫁個有錢人，𠵱家個名係唔使靠男人，有錢落自己袋，終於放棄嫁個有錢人念頭，好彩我唔係姓廖，唔係我就叫做廖道然（諧音尿道炎）。」