睇過《導盲犬小Q》，無一觀眾不受到感人故事所打動，甚至女孩們更因小狗嘅遭遇，哭成淚人，增加咗香港人對每一隻「小Q」嘅憐愛。一時間，以動物為題嘅電影滿街都係，但講到最能夠催淚者，除咗小Q，原來仲有叉燒！
咪以為叉燒係食得嗰隻，查實佢係《再見！流浪犬》嘅主角──一隻被遺棄嘅小狗。劇本來由都幾特別，據講係泰國女導演施華萍．龐素雲因一次機緣下收養咗隻流浪狗，後來發覺佢偷走，原來係為照顧一直被遺棄嘅子女，因為太感動於是就拍成呢套電影！製作方面唔算落好重本，不過香港版就搵咗阮小儀負責旁白部份，唔多唔少能帶出幾分親切感；而DVD版更將$1收益捐畀「保護遺棄動物協會」，為無依無靠嘅小貓小狗出一分力。睇完呢一套戲，相信又再喚起香港人對動物嘅憐憫心。
記者：陳國輝
發行：亞洲影帶（27505595）