Morning娘前成員石川梨華前日喺東京為羅馬歌劇團擔任宣傳大使，大會仲畀咗條價值約860萬港元、鑲有千幾粒鑽石嘅頸鏈畀佢戴，真係零舍有貴氣，但同時就少咗好多青春氣息。戴住咁貴又咁重頸鏈嘅石川，當堂郁都唔敢郁。梗係啦，佢所屬嘅事務所Hello！Project出名人工低，石川跌咗粒鑽石都可能冇錢賠。