車仔今年引進舒夫真高同波歷克，同當年曼聯引進華朗同雲佬簡直一模一樣，目的就是想奪取歐冠盃。
其實，兩隊確實有不少共通點。先講背景，曼聯99年奪得「三冠王」，之後幾年喺歐冠盃都冇突破；同車仔有錢老闆上任後得唔到歐冠盃錦標，十分相似。
再講球員，兩隊都有一個早早加盟的球星：曼聯有雲佬、車仔就有波歷克，兩人同於收「咧」前高調宣布加盟；亦同樣有一個突如其來從意大利高價加盟的球員：華朗同舒夫真高。結果兩隊都喺中前場各加上一位星級球員。
新兵擦不出火花
再講踢法，當時華朗加入紅魔中場，原意是希望令中場組織力更強，結果顯示，他與堅尼擦不出火花，效果反而更差；今年波歷克與林柏特的情形，與當年曼聯相似，同時在陣反而影響了球隊表現。當年的曼聯結果一隻盃都冇，至於車仔……，大家拭目以待吧！Gary
球迷天地又嚟啦！
《球迷天地》又同大家見面！逢周日刊登的《球迷天地》再誠邀讀者來稿暢談球壇人與事，字數約為350字，謹記附上真實姓名和電話，作聯絡之用。文章一經刊登，即可獲Nike英超聯球隊頸巾一條。另外，歡迎讀者電郵有關足球的有趣照片，並用100字作簡介，如獲採用，可得Nike英超聯球隊足球一個。稿件及相片請電郵至：[email protected]。