西甲聯進入第3輪秩序，仍然有4支球隊保持100%全勝紀錄。好多人都睇過其中之一嘅巴塞隆拿近期究竟點勁法，今周作客只係對住冇乜挑戰力嘅桑坦德，都算穩Ｗ之選；但更穩陣嘅相信係皇家馬德里，絕對係今日將主場勝出率提升返上去50%嘅伏線。
西維爾打吡戰勢危
其他3支全勝分子，西維爾及華倫西亞都分別喺國內聯賽及歐洲盃賽連捷，難能可貴，但前者今日同貝廸斯上演同市打吡戰，要記住打吡戰，係潛在住一些對牌面上有優勢球隊嘅不利因素；至於華倫，今季正式賽事計5戰已失3球，4場勝仗當中又有兩場僅以1球擊敗對手，今日主場對住最後1支聯賽兩戰全勝分子基達菲，有得揀都係捧過第二隊算嘞。
文：華度