喺日本發展多年、現年30歲嘅韓星尹孫河，噚日喺首爾新羅酒店同韓國商人男友舉行婚禮，新娘子為免日韓傳媒爭相採訪，入酒店時出動10幾名保安維持秩序，真係大陣仗，不過結婚一生人可能只得一次，尹孫河當然要確保萬無一失啦。另外，曾拍攝電影《真的愛你》嘅34歲女星廉晶雅，日前都宣布喺今年12月底，同拍咗拖年幾嘅整形外科醫院院長結婚，哈利仔祝佢哋白頭到老啦。