連鎖快餐店一向講求短時間提供高質素食物畀顧客，近日就有網友搞投票選舉︰「邊間連鎖式快餐店經營越（愈）黎（嚟）越（愈）差？」投票結果係近來備受批評嘅麥記排第一位，排第二係美心快餐。網友volleyballfever︰「m記永遠係頭位！」yuen28又咁話︰「M記，加價質素又冇改善。」胸毛一人︰「麥記同美心呀！」其實每間餐廳都會有自己一套營運方針，好似麥記咁，都會規定食物放幾耐就唔再賣畀客人，我諗只係個別店舖出現問題啫，可能麥記樹大招風，又開到成行成市，容易招人話柄，榮登第一位一啲都唔出奇。
網址︰ http://www7.discuss.com.hk/viewthread.php?tid=2279825&extra=page%3D3