每個家庭都可能有些「阿媽教落」的口耳相傳禁忌，家人不斷提醒後輩不要做這些事，但為甚麼不能做，卻神神秘秘不多加解釋，有人在she.com留言板建議大家分享家傳禁忌，當中有些戒條確令人費解。
11點後唔准剪指甲腳甲
根據網友資料，各家各戶在晚上的禁忌似乎特別多，有人表示家中長輩「唔畀我夜晚（例如11點後）剪指甲腳甲，晚上還不可拍照、不可吹口哨；irr稱「我阿媽話，如果太夜唔好洗碗，真係要洗就要小心啲，唔好洗到砰砰嘭嘭，因有『嗰啲嘢』聽到好肚餓會嚟搵嘢食。」女性月事期間禁忌也不少，有人說來經時不要拜神，有人稱其實有化解方法，又係「阿媽教落」，「如果M到，要搵橡筋箍住對腳先可以裝香。」此外，網友也提出一些民間「秘方」，包括打嗝時飲九啖水便無事，出疹時着紅色衫也有療效。