謝霆鋒、余文樂等昨日在上海出席時裝騷，對中國星老闆向華強太太陳嵐力捧「翻版栢芝」閻清以替代栢芝，霆鋒力撐女友沒有失寵兼冇人可以取代之餘，更不屑地表示不知閻清是誰。
留在橫店拍攝內地劇《詠春》的謝霆鋒，前晚在該劇煞科後，即趕往上海科技館出席昨日沈嘉偉旗下時裝店I.T的時裝騷。霆鋒在訪問時更脫下外套大騷肌肉，他一臉滿足地說：「近期多拍打戲，不知不覺大隻咗，我唔覺得多咗吸引力，不過可以見到一個人日常嘅生活習慣。」
提票房差轉話題
對有雜誌拍得霆鋒在內地拍片時經常不沖涼，着同一套衫，他否認說：「我一向都係tee、拖鞋，不過我有沖涼，牛仔褲都唔使日日洗啦。」提到《龍虎門》票房輸給西片，他謂不知詳情，更即時轉話題表示十分欣賞片中的懷舊戲服，兼表示收藏了《龍虎門》、《中華英雄》等電影之戲服，希望將來可以舉行展覽云云。
問到何時與女友張栢芝結婚，以及兩人多久未見面時？霆鋒表示在時裝活動上不宜回應私人戀情，但當傳媒提到栢芝失寵，與經理人向太陳嵐關係有變時，霆鋒即忍不住力撐女友，他說：「栢芝失寵？冇聽過喎，我只係知佢哋都有飲茶傾偈。」向太近期力捧被喻為「翻版栢芝」的新人閻清，他即時一臉不屑說：「我𠵱家與世無爭，你問我後起之秀嘅名，我都唔知邊個！」問他對栢芝是否有信心不會被取代？霆鋒說：「每個人都有自己風格，有自己長處、優點，冇人可以取代邊個囉！」
拍新片減十餘磅
此外，余文樂透露正在上海與張娜拉拍攝韓片，稍後則會接拍一部改編自日本漫畫《軍雞》的電影，飾演主角琼亮，他說：「喺戲入面有好多打鬥場面，我請咗一個私人教練操弗自己，我仲要減多十幾磅。」
採訪、攝影：林妃
