何韻詩昨日在旺角出席飾物店活動，她除了獲該店贊助下月演唱會的飾物外，還特別訂造30,000個襟章送給fans。
不敢問半句
阿詩透露劉培基會設計其中一套服裝，她說：「好耐之前，佢已經話如果我開演唱會，就幫我做衫，所以真係開到時，我好面皮厚咁提番呢件事，間中又哀求佢幫手，最終用誠意打動咗佢。我好尊敬佢，佢直情係太上皇，我會做牛做馬報答佢。」
談到劉培基設計的服裝大多很性感，阿詩說：「不要問只要信，就算佢畀兩條繩我都着，我都唔敢問，驚問多半句，以為我唔信得過佢。」對於梅啓明入稟告劉培基，未知此事會否影響劉培基的做衫心情？阿詩說：「我諗佢冇乜事，係兩樣嘢嚟嘅。」
採訪、攝影：王連連