Fusion菜興起了一段日子，無他，香港人嘴刁，好好一味中式金沙骨，硬要浸橙汁伴葡式菠菜麵上碟才過癮。金沙骨是豬肉，橙汁帶酸，做出來的效果會不會「肉酸」？不會，今次介紹的餐廳，大廚們最擅長做Fusion菜，做這味中葡合璧的芋仔香橙骨，保證只有甜不會酸。
記者︰方綺君
攝影︰陳陶鈞
模特兒︰Ellen
一店六廚各擅勝場
「名廚平台」，店名好有氣勢，店中竟然有6位廚師，每位廚師負責一個範疇──意、法、葡、泰、甜品、沙律，各有強項各擅勝場，平時互相交換意見，做出集各國之大成的Fusion菜，總廚陳師傅說︰「想畀客人多啲選擇，等每道Fusion菜都可以食到唔同口味，我係咁意整幾味出嚟，你又睇唔睇得出點Fusion法？」考我，大碟細碟捧上枱，腦筋企圖轉，但一聞到餸菜香味，味蕾已即時活躍起來，懶得想，只一味掛住吃。
師傅說︰「我哋都做私房菜，會根據客人Budget做菜，菜式我哋全權負責，客人嚟到唔知會食到啲乜㗎，不過無客人詐過我哋型囉。做私房菜，最緊要對自己有信心，因為好多菜式都係即時諗。」說他們擅長Brainstorm絕不誇大，今日的食語錄是「豬肉浸醋──肉酸」，訪問前我要求師傅做個用果汁浸完再煮的菜式，師傅二話不說一口答應，還說：「得，影相嗰日即刻諗畀你吓。」到採訪當日，師傅果然即席創出芋仔香橙骨，厲害。順帶一提，店中一道日式照燒魚骹，取智利深海雪花魚魚鰭部份入饌，香港很少食肆有得供應，嗜魚的朋友別錯過。
1. 平台扒大蝦$118
用不加醃料的馬來西亞虎蝦，略煎再焗是意大利菜慣常做法，用中國炸粉做裝飾，配用3支紅酒、黑醋和果皮收汁煮成一支半的紅酒汁，多添一份法式風情。
2. 魽魚柳沙律$78
法國菜少不了魚柳，魽魚先煎後焗，灑少許黑胡椒調味，配意式田園沙律很清新，很多客人吃這道菜，吃過都叫好。
3. 葡式Swiss鹵肉$48
用葡式做法校好瑞士甜汁，把煎好的台灣鹵肉放入瑞士甜汁慢火浸煮1小時，再伴番薯和甜汁一起蒸即成，肉質半肥瘦入口有嚼勁，不過女生少吃為妙。
4. 芋仔香橙骨$58
中式金沙骨先浸橙汁1天，待入味上粉炸，再淋上一層橙汁放入焗爐焗至收汁，加大大塊芋頭墊底。伴碟的菠菜麵則用蒜茸與橄欖油炒過，是葡式做法，整體味道香甜不會過酸，金沙骨入口軟腍。
肉酸變肉甜
解說
豬肉浸醋，歇後語是──肉酸，用的是比喻說明法，前一句已直接道出後一句的意思。用醋浸豬肉，醋帶酸味，所以「肉」會變「酸」，合併來說即是「肉酸」，記着了，若有人說你是「豬肉浸醋」，即揶揄你貌醜、惡心，明白嗎？
5. 日式照燒魚骹$138
足兩位用，用的是智利深海雪花魚魚鰭部份，每份約重半斤，本身肉質嫩滑鮮甜不用醃。法式做法兩邊煎脆再焗30分鐘，最後加日式照燒汁非常惹味。切開，有塊好像豬𦟌的魚肉，是整條魚活動最多的部份，最滑，一定要吃，不吃會後悔。
6. 海龍皇翅湯大$78小$38
名字夠氣勢，用意式龍蝦湯的煮法熬2小時湯底，模仿冬蔭功加足料海鮮虎蝦、墨魚仔、帆立貝、3両水盤翅，入口陣陣白蘭地味，湯味亦非常香濃。
食客有Say
搵食攻略
名廚平台（27183899）
地址︰九龍城太子道西408號1樓
交通：九龍塘地鐵站乘的士約$20
營業時間︰
12:00nn-11:00pm
座位︰大廳120位，VIP房約30位