信和集團同綠色生活教育基金一齊舉辦嘅「環保讀書樂」網上閱讀報告比賽圓滿結束，大會噚日舉行頒獎儀式，請到環運局局長冬冬、天文台台長林超英、何秀蘭、嫻姐、教統局麥劉玉珍等知名人士出席做嘉賓。
綠色生活教育基金主席周兆祥大讚班參加比賽嘅中學生水平好高，反映大部份同學對地球有關注，對人類未來有承擔。喺今次比賽中，順德聯誼會李兆基中學獲得「最積極參與學校獎」，而聖公會陳融中學梅靜瑤同學撰寫嘅「給地球之母」更獲選為16篇「最受網民欣賞之閱讀報告獎」之一。頒獎儀式完畢後，大會仲送評判同嘉賓各人一盆好靚嘅盆栽，多謝佢哋支持，兼夾宣揚吓環保精神。