黑點一：甘肅街路口 行人衝燈好常見
危險指數：★★★★★
位於油麻地停車場大廈旁邊嘅上海街及甘肅街交界燈位，最常見嘅係行人衝燈；每逢賽馬日，不少馬迷都為趕往馬路另一邊嘅投注站落注，往往忽視交通燈是紅是綠，因而增加意外發生嘅機會。
黑點二：眾坊街燈位 小心右轉車輛
危險指數：★★★★☆
油麻地眾坊街及彌敦道交界，係該區另一個交通黑點。行人以為彌敦道往旺角方向嘅車輛停定後便可橫過馬路，但原來往尖沙嘴方向嘅車輛，那時可右轉入眾坊街，行人燈號則仍為紅色，但一眾行人會留意嗎？哈，好難囉！
黑點三：加士居道交界 行人企出馬路
危險指數：★★★☆☆
加士居道經過彌敦道燈位，可直接駛入甘肅街，但大家行經此處時不但要看清楚燈號，還要留意行人一舉一動，因為佢哋會隨時衝出馬路外，更可能會因為人太多而被迫企出馬路，要份外留神。
記者：鄭達基
