陳小春昨日到商台接受訪問，提到有雜誌指他日前跟向華強夫婦到澳門永利賭場耍樂，輸了10萬後再跟向太借40萬，結果共輸50萬，小春氣憤地回應道：「嗰本雜誌記者夾住我做訪問，當時我發晦氣話係輸咗5,000萬，我富豪歌手嚟㗎，點會輸咁少錢呀？」小春愈說愈激動，重提鍾欣桐抗議遭偷拍事件，他說：「大家影阿嬌唔啱，佢哋英皇旗下嘅雜誌又亂寫埋啲咁嘅嘢！」
「平時好少賭」
追問小春當日有否賭錢，他說：「我係應向生向太約去，咪玩吓囉，輸咗幾千蚊，我今次係玩吓捧吓場，平時好少賭。」
提到小春與該雜誌多次衝突，他罵道：「佢噓我就好，唔好走嚟咬住我，如果唔係，我變身成為暴龍，咬住佢哋唔放，（打交）上到庭我最多係自衞。」
採訪、攝影：馬建華