發明雞尾酒療法治療愛滋病嘅美籍華裔專家何大一博士，噚朝由紐約抵港，中午應消費旅遊雜誌《BusinessTravellerAsia-Pacific》邀請做主禮嘉賓。
Babyface得嚟又文質彬彬嘅何博士，原來快將54歲（11月3日生日）。八方忍唔住問佢點保養得咁好？佢就笑而不答。佢同八方講，只會留港兩日，禮拜六就飛去出生地台灣；問呢個反對台獨嘅博士點睇阿扁命運？佢話只係睇咗一啲倒扁報道，所以nocomment。
提到中國愛滋病問題，佢話中國疆土大，有好多病患者，尤其係南部一帶，往往都係經吸毒而受感染。佢了解中國政府喺對付愛滋病政策已有唔少改善，但情況仍令人擔憂。
何大一嘅雞尾酒療法真係救咗唔少人條命，特別係非洲，藥費特別平，聽人講已經唔使300蚊美金一年，唔知中國大陸有冇得受惠呢？