哥哥張國榮大前日（12號）50歲冥壽，好友林夕日前接受商台訪問，佢話同哥哥第一次見面係喺林夕自己屋企，當時哥哥問佢間屋咁細點擺嘢，林夕話：「後來我去佢淺水灣嘅三層大宅，大得驚人，室內外裝修都好華麗，佢培養出我嘅美術感。」佢又話曾經問哥哥點解唔公開自己係同性戀，當時哥哥回應話︰「我唔鍾意喺記者追迫下發表，我自有打算。」